جموں( آن لائن )مقبوضہ کشمیر جموں ایئرپورٹ کے ہائی سیکیورٹی ٹیکنیکل ایریا میں دو دھماکے ہوئے ہیں جن کے باعث عمارت کی چھت تباہ ہوگئی ، دھماکوں میں کسی جانی نقصان کی کوئی اطلاع نہیں ہے۔
نجی ٹی وی ہم نیوز کے مطابق بھارتی میڈیا کا کہنا ہے کہ مقبوضہ کشمیر جموں ایئرپورٹ کے ہائی سیکیورٹی ٹیکنیکل ایریا میں ڈرون کے ذریعے دھماکہ خیزموادسے حملہ کیاگیا ہے، دھماکے کے وقت ایئرپورٹ پر ایک اعلیٰ سطح کا اجلاس جاری تھا۔
ٓذرائع کا کہنا ہے کہ دھماکو ں کے بعدپولیس کی ٹیمیں جائے وقوعہ پر پہنچ گئی ہیں اور ایئرپورٹ کی سیکیورٹی بڑھا د ی گئی ہے ۔ دھماکوں کی نوعیت جاننے کے لئے تحقیقات کی جارہی ہیں۔